આજે વર્લ્ડ-કપ ટુર્નામેન્ટમાં ભારતનો મુકાબલો વેસ્ટ-ઈન્ડિઝ સામે થવાનો છે.
આ મેચ માટે અગાઉની (પાક. સામેની) મેચ માટે જે સૂચનાઓ આપી હતી એનું પાલન તો કરવાનું જ છે, પણ આજે ‘નવી’ સૂચનાઓ સમજી લો….
***
પ્રેક્ષકોને સૂચના
પાકિસ્તાન સામેની મેચ જોવા માટે તમે જ્યાં બેઠા હતા કે ઊભા હતા, એ જગ્યા આજે બદલવાની નથી !
***
વરસાદ ન પડે એ માટેની પ્રાર્થનાઓ ‘ચાલુ રાખવાની’ છે કારણ કે ગયા વખતની પ્રાર્થનાઓ ફળી છે !
***
જો તમારી ત્વચાનો રંગ ડાર્ક હોય તો મહેરબાની કરીને મરુન રંગનું ટી-શર્ટ પહેરીને પાનને ગલ્લે મેચ જોવા ઊભા રહેવું નહીં… ભારતની વિકેટ પડે ત્યારે માર પડી શકે છે !
***
વરસાદની શક્યતાઓ અહીં ગુજરાતમાં છે ! માટે ફટાકડાનો સ્ટોક પ્લાસ્ટિકની કોથળીમાં સાચવીને રાખવો…
અને હા, બહાર વરસાદ પડતો હોય ત્યારે ભલે રેઈનકોટ પહેરીને ફટાકડા ફોડવા જાઓ, પણ ઘરમાં ફટાકડા ફોડવાનું રીસ્ક લેવું નહીં !
***
પંટરોને સૂચના
જ્યાં સુધી ધોની ઠીચૂક-ઠીચૂક રમીને બોલ બગાડતો હોય ત્યાં લગી ‘ઇન્ડિયા-વિન’ ઉપર શરતો લગાડવી નહીં !
***
ધોની ધડાધડ ઝૂડવા માંડે ત્યારે પણ જોશમાં આવીને ‘ઈન્ડિયા-વિન’ ઉપર શરત મારવી નહીં, કારણ કે ધોનીનો કોઈ ભરોસો નહિ ! નેકસ્ટ બોલે આઉટ પણ થઈ જાય !
***
કોમેન્ટેટરોને સૂચના
“અગર ઈન્ડિયા કો જીતના હૈ…” “અગર ઈન્ડિયા કો જીતના હૈ….” સતત આવો ટીટીયારો કરવો નહીં !
શટ અપ યાર, ઈન્ડીયા કો જીતના હી હૈ !
***
ધોની, કોહલી, રોહિત જેવા બેટ્સમેનો બેટિંગ કરતા હોય ત્યારે “મહાન ખિલાડી કી યહી પહેચાન હૈ…” એમ કહીને વખાણોના ઢગલા ના કરો !
મારા બેટાઓ તમે વખાણ કરો એના બીજા જ બોલે આઉટ થાય છે !
***
- મન્નુ શેખચલ્લી
Comments
Post a Comment