આક્ષેપ, રદિયો, બફાટ, લોચો, દગો, પલટો, દોસ્તી, દુશ્મની, નાટક, નૌટંકી, ભવાડો, ભભકો... શું શું નથી આ 2019ની ચૂંટણીઓમાં !
જોવાની વાત એ છે કે એક સમયની જુની હિટ કહેવતો આજે પણ ક્યાંક ને ક્યાંક ફીટ બેસતી આવે છે...
***
કોંગ્રેસના ઉમેદવારોની યાદી :
ઢકેલ પંચા દોઢસો
ભાજપના ઉમેદવારોની યાદી :
ઘરનાં છોકરાં ઘંટી ચાટે, ને ઉપાધિયા ને આટો....
***
કોંગ્રેસના બળવાખોર :
જાગ્યા ત્યાંથી સવાર !
ભાજપના બળવાખોર :
દોરડી બળે પણ વળ ના જાય !
***
દિગ્વિજય સામે પ્રજ્ઞા ઠાકુર :
કાંટાથી જ કાંટો નીકળે
આપ-કોંગ્રેસનું ગઠબંધન ના થયું :
ટાઢા પાણીએ ખસ ગઈ...
***
લાલકૃષ્ણ અડવાણી :
રાઈના ભાવ રાતે ગયા
મુરલી મનોહર જોષી :
ન બોલ્યામાં નવ ગુણ
શત્રુઘ્ન સિંહા :
ખેંચ-પકડ મુઝે જોર આતા હૈ
નવજોત સિધ્ધુ :
લાલો લાભ વિના લોટે નહિ
***
મુલાયમ-માયાવતીનું મિલન :
ખેલ હૈ, તબ તક મેલ હૈ
પાર્ટીઓનું ગઠબંધન :
આવ ભાઈ હરખા, આપણે બેઉ સરખા
***
કોંગ્રેસનો પ્રચાર :
જુઓ, હથેળીમાં ચાંદ !
ભાજપનો પ્રચાર :
એકડા વિનાનાં મીંડા નકામાં !
***
મમતાજીની વાણી :
એક તો કારેલું, ઉપરથી લીમડે ચડ્યું !
રાહુલજીના બફાટ :
કરવા ગયા કંસાર, પણ થઈ ગઈ થૂલી !
મોદીજીનો હુંકાર :
મારે મીર, અને ફૂલાય...
***
- મન્નુ શેખચલ્લી
Comments
Post a Comment