છેલ્લાં ચાલીસ વરસોથી ‘નાચવું નહિ ત્યાં આંગણું વાંકુ’ જેવી કહેવતને સાર્થક કરી રહેલું પાકિસ્તાન હવે ભારતના ‘શેરને માથે સવાશેર’વાળા જવાબથી હલબલી ગયું છે.
હવે પાકિસ્તાનમાં નવી કહેવતો શરૂ થવાની છે…
***
શેખી માટે ઇસ્લામાબાદ
ને મરવા માટે બાલકોટ
***
જૈશનાં કર્યાં સૈન્યને વાગ્યાં
***
હાફીઝના શિંગડાં ઈમરાનને ભારી
***
લેવા ગયા પુલવામા
ને ખોઈ બેઠા બાલકોટ
***
જૈશ ફોડે તો હૈશો હૈશો
ભારત ફોડે તો શાંતિ શાંતિ
***
બધા પીએમ મનમોહન ના હોય
***
ઘર અમારું સળગ્યું જ નથી
પણ બદલો લઈશું રાખનો !
***
બગલમાં શયનતાન
તોય, ગામમાં દયાવાન !
***
40 વરસ લગી ચાંચો મારી
હવે કાંકરો પડ્યો ત્યાં ચીસાચીસ!
***
તાલીમ આપી તબલચીએ
નાચ નાચે છે નગુણિયા
પરદો ફાડ્યો ત્યાં પોલ ખુલી
હવે તમાશો કરે છે બજાણિયા
***
જૈશ મરો, તોઈબા મરો
પાકિ. સેનાનું તરભાણું ભરો
***
કાકડા ફેંક્યા તો ‘વાહ ભઈ વાહ !’
હવે પાયજામો સળગ્યો તો ‘આગ લાગી આગ !’
***
કરડાવે કૂતરાં ‘ને કહે
શેર... મેરે શેર !
એક થપ્પડ પડી, તો બોલ્યા
વાઘ આવ્યો રે... વાઘ !
***
સૌ ચૂહે માર કે બિલ્લી શાંતિમંત્રણા કો ચલી…
***
શરીફ ગયે શરાફત મેં
મુશર્રફ ગયે મશક્કત મેં
ઇમરાન આયે જોશ મેં
અબ ડૂબેંગે વો ‘જૈશ’ મેં !
***
- મન્નુ શેખચલ્લી
Comments
Post a Comment