આ બધી બાયોપિક્સ અને દેશભક્તિની ફિલ્મોના વાયરામાં બેન્ક-રોબરીની ફિલ્મો તો આવતી જ બંધ થઈ ગઈ !
બાકી એક સમયે શું જમાનો હતો ? આપણા ફિલ્મ સ્ટારો છેક ફોરેનમાં જઈને ઊંચામાં ઊંચી બેન્ક-રોબરીઓ કરી આવતા હતા. તમે ‘ડોન-2’ જુઓ... ‘આંખે’ જુઓ... અરે ‘હેપ્પી ન્યુ યર’માં તો ઇન્ડિયાના ટપોરી ટાઈપના ડાન્સરો ફોરેનમાં જઈને અબજોની લૂંટ કરી આવ્યા હતા !
એ જમાનો તો ગયો... પણ જરા વિચાર કરો, આપણી હિન્દી ફિલ્મોનો કોઈ શાયર ઇન્ડિયામાં જ ક્યાંક બેન્ક-રોબરી કરવા જાય તો શું થાય ?
***
દ્રશ્ય : 1
બેન્કમાં દાખલ થતાંની સાથે જ શાયર હવામાં રિવોલ્વરનું ફાયરિંગ કરીને શાયરી ફટકારે છે :
“અર્ઝ કિયા હૈ...
તકદીર મેં જો લિખા હૈ
વો હી યહાં મિલેગા...
હેન્ડઝ અપ ! કોઈ અપની
જગહ સે નહીં હિલેગા !”
***
દ્રશ્ય : 2
લોકો રિવોલ્વરથી ના ડર્યા હોય એટલા આ હોરિબલ શાયરીથી ડરી જાય છે ! શાયર કેશિયર પાસે જઈને કહે છે :
“ડગમગા રહે હૈં કદમ
તુમ મેરા સાથ દો...
જો કેશ તુમ્હારે પાસ હૈ
મેરી બેગ મેં ડાલ દો !”
***
દ્રશ્ય : 3
કેશિયર જે કેશ આપે છે તે ઓછી છે. શાયર રિવોલ્વર બતાડીને પૂછે છે :
“તકદીર મેં મેરી, યારાં,
ઈતને ગમ ક્યું હૈ ?
કેશિયર, યે તેરી કેશ
ઇતની કમ ક્યું હૈ ?”
***
દ્રશ્ય : 4
કેશિયર ધ્રુજતાં ધ્રુજતાં કહે છે કે મોટી કેશ તો બેન્કના સ્ટ્રોંગ-રૂમમાં પડી છે ! આ સાંભળીને શાયર સાહેબ ફરમાવે છે :
“તસલ્લી હર કોઈ દેતા હૈ
કોઈ સાથ ક્યું નહીં દેતા?
મેરી ગોલી ચલ જાયેગી
છૂપા હુવા માલ ક્યું નહીં દેતા ? ”
***
દ્રશ્ય : 5
છેવટે સ્ટ્રોંગ-રૂમમાંથી કઢાવેલી તમામ કેશ પોતાના ઝોલામાં ભરી લીધા પછી શાયર બેન્કની બહાર જતાં પહેલાં લલકારે છે :
“બહુત કોશિશ કી મૈંને
અપને ગમ ભૂલાને કી...
અબ, તુમ કોશિશ મત કરના
પુલિસ કો બુલાને કી !”
***
દ્રશ્ય : 6
દરવાજાની બહાર નીકળતાં પહેલાં બગડેલી રાઈફલ લઈને ઊભેલા સિક્યોરીટીવાળાને સંભળાવે છે :
“ભૂલા દેના તૂ મુજ કો
ક્યા જાયેગા તેરા ?
ગોલી માર દૂંગા, સાલે
પીછા કિયા જો મેરા !”
***
દ્રશ્ય : 7
શાયર તો રોબરી પતાવીને બહાર તેના ખખડી ગયેલા સ્કૂટરની કીક મારી રહ્યો હોય છે ત્યાં તો આખો સ્ટાફ આવીને કહેવા લાગે છે :
“વાહ શાયર વાહ ! દૂબારા... દૂબારા...”
***
દ્રશ્ય : 8
શાયર તાનમાં આવી જાય છે ! સ્કૂટરને પડતું મૂકી પાછો અંદર જાય છે ! ત્યાં ઉપરા છાપરી પોતાની શાયરીઓ સંભળાવવા લાગે છે...
- છેવટે એમાંને એમાં પોલીસના હાથે પકડાઈ જાય છે ! બિચ્ચારો...
- મન્નુ શેખચલ્લી
Comments
Post a Comment