આવનારા થોડા જ દિવસોમાં ‘હીટ-લહર’ ફેલાઈ જવાના સંકેતો લાગે છે…
આવા સમયે ગુજરાતના સંતા-બંતા જેવા આપણા લલ્લુ-બલ્લુ રાજકોટમાં બેઠા બેઠા શું વિચારે ચડ્યા છે…
***
લલ્લુ કહે છે:
“આપણા રાજકોટમાં હંધાય દુકાનદારો ભરબપોરે દુકાનું બંધ કરીને ઘિરે કેમ વયા જાય છે ?”
બલ્લુ કહે છે:
“આલેલે ! દુકાનું બંધ કરીને અંદર બેહી રિયે તો બફાઈ નો જાય ?”
***
લલ્લુ કહે છે :
“મારા લંડનવાળા કાકા કને સાત ડીગ્રીયું છે.”
બલ્લુ કહે છે :
“ઈ તો કાંઈ નથી… હમણાં રાજકોટમાં ઉનાળો ચાલુ થાશે ત્યારે હંધાય કને ઓગણચાલીસ ડીગ્રીયું હશે !”
***
લલ્લુ કહે છે :
“આપણા રાજકોટવાળાવ રાતે રેસકોર્સની પાળીએ બેસીનું આઈસક્રીમું કેમ ખાતા હઈશું ?”
બલ્લુ કહે છે :
“આલેલે ! બપોરે પાળી પર બેહવા જાઈં તો દાઝી નો જવાય ?”
***
લલ્લુ કહે છે :
“આજી ડેમમાં પાણી ખૂટી ગ્યાં છે…”
બલ્લુ કહે છે :
“મારી કને ઉપાય છે… હું શૂરવીરતાના દૂહા ગાઈ ગાઈને ડેમનું પાણી ચડાવી દઈશ !”
***
લલ્લુ કહે છે :
“ઉનાળામાં આટલી બધી ગરમી કેમ પડે છે ?”
બલ્લુ કહે છે :
“હાચી વાત છે. શિયાળામાં પડતી હોત તો આપણાં સ્વેટરનો ખરચો બચી જાત !”
***
લલ્લુ કહે છે :
“હે ભગવાન ! આ વખતે રાજકોટમાં એટલી ગરમી પાડજે, એટલી ગરમી પાડજે કે રોડનો ડામર પીગળી જાય…”
બબલુ કહે છે :
“એલા, આવી પ્રાર્થના શું કામ કર છ?”
લલ્લુ કહે છે :
“ગયા ઉનાળામાં રોડ બનતો ’તો ઈ ટાણે મારી એક ચંપલ ડામરમાં ચોંટી ગઈ ’તી ! આ ઉનાળે ડામર ઓગળે તો કાઢી લેવી છે !”
***
- મન્નુ શેખચલ્લી
Comments
Post a Comment