સુરતમાં મોદી સાહેબે કીધું “જો જો, આવતી ચૂંટણીમાં ‘લોચો’ ના કરતા !”
આ ‘લોચો’ સુરતની વાનગી છે. મૂળ વારતા એવી છે કે એકવાર ખમણ બનાવવા જતાં એની પ્લેટો વધારે પડતી બફાઈ ગઈ ! દુકાનના કારીગરો એમાં તેલ, મરચું, મસાલો, ચટણી વગેરે નાંખીને ખાવા લાગ્યા… એમાં ને એમાં એ ‘વાનગી’ તરીકે જાણીતી થઈ ગઈ !
ટુંકમાં, બનતાં ‘બગડી ગયેલી’ વાનગીને ‘નવું નામ’ આપ્યું હોય તેને કહેવાય ‘લોચો’ !
આપણા દેશમાં તો આવા કંઈક લોચા છે…
***
મૂળ બનાવવા ધારેલી વાનગી :
સર્વ ધર્મ સમભાવ
લોચો શું થયો :
લઘુમતીઓની આળપંપાળ
લોચાનું નવું નામ :
બિન-સાંપ્રદાયિક્તા !
***
મૂળ બનાવવા ધારેલી વાનગી :
કાળા નાણાં બહાર લાવવા
લોચો શું થયો :
નોટબંધીમાં બેન્કોનાં કૌભાંડો
લોચાનું નવું નામ :
હિંમતભર્યું પગલું !
***
મૂળ બનાવવા ધારેલી વાનગી :
એક જ દેશ, એક જ ટેક્સ
લોચો શું થયો :
GSTનો ઉડઝૂડીયો અમલ
લોચાનું નવું નામ :
“ઈઝ ઓફ ડુઈંગ બિઝનેસ !”
***
મૂળ બનાવવા ધારેલી વાનગી :
મરતી કોંગ્રેસમાં પ્રાણ ફૂંકવો
લોચો શું થયો :
માતુશ્રીનો પુત્રપ્રેમ
લોચાનું નવું નામ :
કોંગ્રેસ પ્રમુખ શ્રી રાહુલ ગાંધી !
***
મૂળ બનાવવા ધારેલી વાનગી :
દેશપ્રેમ
લોચો શું થયો :
વંદેમાતરમ્, ઝંડાવંદન, રાષ્ટ્રગીત બધામાં દુરાગ્રહ અને દુ-વિરોધ
લોચાનું નવું નામ :
આપણી દેશભક્તિ !
***
મૂળ બનાવવા ધારેલી વાનગી :
લોક લાગણીને વાચા આપતા વિરોધ પક્ષ
લોચો શું થયો :
દરેક નેતાનો ઘવાયેલો ઘમંડ
લોચાનું નવું નામ :
મહા-ગઠબંધન
***
- મન્નુ શેખચલ્લી
Comments
Post a Comment