કોલેજિયનોનાં 'સ્થાનિક' લક્ષણો !

આપણા દેશમાં ઠેર ઠેર કોલેજો તો છે પરંતુ દરેક વિસ્તાર મુજબ ત્યાંના કોલેજિયનોનાં લક્ષણો બદલાતાં રહે છે. જુઓ નમૂના…

***

જો કોલેજિયનની બેગમાં બુક્સ, નોટબુક્સ, નોવેલ, આધારકાર્ડ, રેશનકાર્ડ સાથે એકાદ ફૂડ-પેકેટ પણ હોય તો સમજવું કે તે…

...આજકાલ કેરળની કોઈ કોલેજમાં જાય છે !

***

જો કોલેજિયનના એક હાથમાં બે-ચાર નોટબુકો હોય અને બીજા હાથમાં કોઈ પાર્ટીનું પોસ્ટર હોય તો સમજવું કે…

- એ દિલ્હીનો કોલેજિયન છે.

***

જો એક જ નોટબુક હોય અને તે પણ વાળીને જિન્સ પાછલા ખિસ્સામાં ખોસેલી હોય તો નક્કી…

- એ મુંબઈનો કોલેજિયન હશે.

***

જો નોટ-બુક્સની જગાએ મોટું લેપ-ટોપ, જોડે પાવર બેન્ક, વાયરો, પ્લગ્સ, આઈ-પેડ, પેન-ડ્રાઈવ્સ તથા બે-ચાર હાર્ડ-ડિસ્ક પણ હોય…

… તો બોસ, એ બેંગલોરનો કોલેજિયન છે.

***

કેરીબેગમાં નોટ-બુક્સ, લેપ-ટોપ એવી બધી ફાલતુ ચીજોની જગાએ જો તમંચો, ચેઈન, ચાકુ કે હોકી હોય…

- તો તે બિહાર યુનિવર્સિટીનો કોલેજિયન હશે.

***

અને બેગમાં ચોપડીઓ કે નોટબુકની જગાએ, (રાધર તમંચો અને ચાકુની જગાએ) જો મોટા મોટા પથ્થરો હોય…

- તો તે કાશ્મીરનો કોલેજિયન સમજવો.

***

એક હાથમાં સિગારેટનું પાકિટ, બીજા હાથમાં લાલ ઝંડો અને ખિસ્સામાં કંઈ જ ના હોય….

- તો માની લેવું કે બાબુ મોશાય કોલકત્તાના કોલેજિયન છે.

***

જો થેલામાં બર્થ-સર્ટિફિકેટ, સ્કુલ-લિવિંગ સર્ટીફીકેટ, રેશન કાર્ડ, મતદાર કાર્ડ, આધાર કાર્ડ, ડ્રાઈવીંગ લાયસન્સ, મા-બાપનાં યે મતદાર કાર્ડ… આવું બધું નીકળે…

- તો એ બિચારો આસામનો કોલેજિયન હશે !

***

અને જો એક હાથમાં મોબાઈલ, બીજા હાથમાં માવો, એક ખિસ્સામાં બાઈકની ચાવી, બીજા ખિસ્સામાં 500ની નોટો અને નાસ્તાના ડબ્બામાં થેપલાં, ખાખરા અને દાબેલી સેન્ડવીચ નીકળે..

- તો સમજી ગયા ને ? એ ગુજરાતનો જ કોલેજિયન છે…

- મન્નુ શેખચલ્લી