કહે છે કે આફ્રિકાના જંગલોમાં માણસખાઉ આદિવાસીઓ રહે છે ! આ માણસો માણસોને જ ખાઈ જાય છે !
અમને થાય છે કે સાલું, આ લોકો એકબીજાને કેમ નહિ ખાતા હોય ?
ચાલો છોડો, આવા માણસખાઉ માણસોની કલ્પના ઉપર થોડી કાલ્પનિક જોક્સ સાંભળો…
***
માણસખાઉ લોકો એકબીજાને કેવી રીતે વધામણી આપે છે ?
આ રીતે… “અરે સાંભળો ! અમારે ત્યાં બાબો આવ્યો ! લો, આ ડાયાબિટીસનો દરદી ખાઓ !”
***
માણસખાઉ લોકોની રેસ્ટોરન્ટમાં કઈ વાનગીઓ સૌથી મોંઘી ગણાય છે ?
- પાકિસ્તાની ભેજું અને બાંગ્લાદેશી કલેજું (કારણકે બન્ને ‘રેર’ છે.)
***
માણસખાઉઓની એ રેસ્ટોરન્ટમાં કઈ ટાઈપના સોફ્ટ-ડ્રીંક્સ મળે છે ?
- પાંચ જાતનાં સોફ્ટ-ડ્રીંક્સ હોય છે. (1) એ નેગેટિવ (2) એ પોઝિટીવ (3) બી પોઝિટીવ (4) બી નેગેટિવ અને (5) ઓ.
***
માણસખાઉ જંગલીઓના હાથમાં જો કોઈ ‘ગે’ પુરુષ ઝડપાઈ જાય તો એને ખાતા પહેલાં એની ઉપર મીઠું શા માટે ભભરાવવામાં આવે છે ?
- કારણકે ‘ગે’ પુરુષોમાં મીઠાની તાણ હોય છે !
***
માણસખાઉ આદિવાસીઓની મહિલાઓ ‘અલૂણા’ વ્રત શી રીતે કરે છે ?
- ‘ગે’ વ્યક્તિને ખાઈને !
***
એક માણસખાઉ બે નોર્મલ માણસોને ‘એકીસાથે’ શી રીતે ખાઈ શકે ?
- એમને બીવડાવીને !
***
શું માણસખાઉ લોકો કદી ઘાસ ખાશે ખરા ?
- હા, એકવાર લાલુ યાદવને એમના જંગલમાં જવા દો !
***
માણસખાઉ જંગલીઓ ‘એબ્સર્ડ વાનગી’ કોને કહે છે ?
- ધડ-માથા વગરની વ્યક્તિને !
***
માણસખાઉ આદિવાસી ગમે એટલો ક્રૂર હોય છતાં કઈ વ્યક્તિનું કયું અંગ તે હરગિઝ ખાઈ શકતો નથી ?
- કવિનું દિમાગ !
***
મન્નુ શેખચલ્લી
Comments
Post a Comment