બારમા ધોરણનાં રિઝલ્ટો આવી ગયાં… હવે આગળ શું ?
જે સ્ટુડન્ટો બિચારા આ ‘ટકા’ની રેસમાં પાછળ રહી ગયા છે એમની હાલતની કોઈએ કલ્પના કરી છે ખરી ?
પ્રસ્તુત છે એમનાં કન્ફ્યુઝનને વાચા આપતી, 34 ટકા માર્કસ અને 10 ટકા ગ્રેસિંગ મેળવનારી, પ્રાસ વિનાની શાયરીઓ…
***
થોડી ઘણી ‘હોપ’ છે
પણ ચારેબાજુ
મોટી મોટી ‘તોપ’ છે…
શોધો એ હરામખોરોને
જે કહેતા હતા
સાયન્સમાં બહુ ‘સ્કોપ’ છે !
***
90 ટકાવાળા લકી છે
કારણ કે એમની કરિયરમાં
કોઈ પ્રોબ્લેમ જ નથી,
40 ટકાવાળા બી લકી છે
કારણ કે એમને તો
કેરિયરની પડી જ નથી !
60 ટકાવાળા ‘કુલ’ છે
કારણ કે એમની કોલેજોમાં
‘અટેન્ડન્સ’ જ નથી !
ભરાયાય તો 70-80 પરસેન્ટવાળા
એમની લાગી છે વાટ
જ્યાં જશે ત્યાં લાગશે…
યાર, ક્યાંક ફસાયા તો નથી ને ?
***
છોકરાઓની કરિયરનો આધાર…
10 ટકા બાપનો ધંધો
10 ટકા બોસનો બિઝનેસ
10 ટકા ગધ્ધા મજુરી
10 ટકા પ્રમોશન
1 ટકા નસીબ
અને…
59 ટકા ભાવિ સસરાની પ્રોપર્ટી !
બકા, કોલેજ શોધવાનું છોડ. અત્યારથી પૈસાવાળો સસરો શોધવા માંડ !
***
છોકરીઓની કરિયરનો આધાર…
30 ટકા બ્યુટી
30 ટકા સ્માઈલ
30 ટકા સ્માઈલ
9 ટકા લક
અને 1 ટકા ટેલેન્ટ !
પણ કોની ? અરે, થનારા પતિની !
બેસ્ટ લક.
- મન્નુ શેખચલ્લી
Comments
Post a Comment