માણસને બે પગ હોય છે, પણ ઓક્ટોપસ નામના દરિયાઈ પ્રાણીને આઠ પગ હોય છે.
હાલમાં સિઝન ફૂટબોલની ચાલી રહી છે. તો લ્યો, માણો થોડાં આઠ-પગા ઓક્ટોપસનાં ફની વન-લાઈનર્સ…
***
ઓક્ટોપસ જ્યારે દરિયાના પાણીમાંથી ઉછળીને હવામાં લાત મારે છે ત્યારે તેને શું કહેવાય છે ?
- હવાલાત !
***
ઓક્ટોપસના સૌથી મજબૂત પગને હિન્દીમાં શું કહે છે ?
- વડાપાંવ !
***
નિશાળમાં ભણવા જતા નાનકડા ઓક્ટોપસે રોજ ઘરે આવીને શું કરવું પડે છે ?
- ફૂટ વર્ક !
***
નર અને માદા ઓક્ટોપસ જ્યારે એકબીજાના પ્રેમમાં મગ્ન હોય છે ત્યારે પોતપોતાના પગ નીચે શું શોધ્યા કરે છે ?
- જન્નત !... કારણ કે દરિયાઈ પ્રાણીઓમાં એવી માન્યતા છે કે “જિન કે સર હો ઈશ્ક કી છાંવ, ‘પાંવ’ કે નીચે જન્નત હોગી !”
***
શું ઓક્ટોપસો ક્રિકેટ રમે છે ખરાં ?
- ના. હાથ જ ના હોય તો બેટ શી રીતે પકડે ?
***
તો પછી શું ઓક્ટોપસો ફૂટબોલ રમે છે ?
- ક્યાંથી રમે ? હાથ વિના આઠ-આઠ પગના બૂટની દોરીઓ શી રીતે બાંધવાની ?
***
બાબા રામદેવની જેમ વાંકાચૂકા પ્રકારના યોગાસનો કર્યા પછી ઓક્ટોપસ ક્યાં જાય છે ?
- પોતાના પગ ‘છૂટા’ કરવા !
***
ઓક્ટોપસને સૌથી વધુ ઈર્ષ્યા કોની આવે છે ?
- કાનખજૂરાની ! કારણ કે કાનખજૂરાને 100 પગ હોય છે.
***
એક પ્રેગનન્ટ કાનખજૂરણ ઔર એક પ્રેગનન્ટ ઓક્ટોપસણી કે બીચ ક્યા અંતર હોતા હૈ ?
- 92 ભારી પાંવ કા અંતર હોતા હૈ. (100-8)
***
શું ઓક્ટોપસોને એમનું શાસ્ત્રીય સંગીત હોય છે ખરું?
હા, પણ એમના શાસ્ત્રીય સંગીતમાં બે જ સુર હોય છે…. ‘પ’ અને ‘ગ’ !
- મન્નુ શેખચલ્લી
Comments
Post a Comment